Posible nga ba
Na mabura ang isang bagay na nag mistulang permanente na?
Ang mga sulat sa dingding na araw araw pinipinta ay mawawala pa ba?
Sana may sagot. Sana may paraan
Sana magawa ko nang pigilan
Ang paulit ulit na pagbalik ko
Sa mga bagay na paulit ulit din akong sinasaktan
Sana hindi ikaw. Sana ako naman
Ako na lang
Kasi ikaw, araw araw kitang nakikita sa mukha ng mga tao na di ko kilala
Araw araw kong naririnig ang boses mo sa bawat pagtugtog ng mga kanta
Sa bawat pagihip ng hangin ay natatangay ako pabalik sayo
Nagpapadala ako
Nagpapakatanga ako
Nakakatawa, tila isang ironya
Gusto kong lumayo sa’yo pero papalapit ang lakad ko
Sana mapigilan
Ang paulit ulit na pag-alala ko sa mga bagay na dapat nang kalimutan
Bakit pa ba naging ikaw?
Sana iba na lang
Ngayon ko lang kasi naintindihan
Kung bakit may mga lote na hindi nilagyan ng bahay
Kung bakit may mga bahay na hindi tinawag na tahanan
Kasi may mga tahanan na sa tao mo lang mararamdaman
At mahal, ikaw lang ang gusto kong uwian
Nakakatawa, tila isang ironya
Para akong manhid na masokista
Nalilito kung sasaya pag nand’yan ka
O malulungkot dahil ‘di rin naman kita makukuha
Nakakalungkot, tila isang ironya
Malilimutan ba kita kung ikaw ang nagiisang tao na gusto kong maalala?
Nakakalito, isang malaking panunuya
Mahal kita pero mahal…
ayaw ko na
You should do the English translation too
LikeLike
I will soon. Thank you
LikeLiked by 1 person